tanimódi l’è tótta roba che, lo so, non serve a gnente, mo s’a duvéssmi buté véa tótt quèll che, tutto quello che non serve a niente, non si può, gnénca a vlai, u n s pò, uno sguardo, par déi, t’incòuntar una bèla ragaza, la guardi, a cosa serve? ma la televisiòun t sté d’avdài i campionèd europei d’atletica, i zént métar, i dusént métar, i quatarzént a ostacoli, il salto in alto, a cosa serve? o quant a véngh zò da la Marèccia, ch’ l’è bèla nòta, a vèggh San Maréin e Vrócc ch’ l’è tótt un lómm, e sòura al stèli, dal vólti a m’aférum, u s sint tènt ad chi gréll, a cosa serve?
[Raffaello Baldini, La fondazione, Einaudi 2008, p. 52]